United States or Ghana ? Vote for the TOP Country of the Week !
Mynhyndái la don ka iew ha Langhiang Kongkhen, ba don ka jingkieng blei hangta. Baroh ki khún bynriw ki ia wan ha kane ka iew blei. Ki iáid lynti na Rangjirteh, kaba don ka krem u thlen uba khráw eh. Te katba ki leit sha kane ka iew blei tang shu poi ha Rangjirteh la ngúid noh u thlen. U ieh kum ha kane ka rukom kat kum ka hukum ba u la ioh. Lada iáid shiphaw ngut, san ngut la ngúid noh; shiteng shiteng la bám, shiteng shiteng la pyllait noh. Hinrei ia uba iáid wei briew ym bit ba'n bám. Ka dei ba'n da pyllait shiteng shiteng. Te ynda la lut than eh ki briew, ki i ruh kum ba'n sa dúh ki khún bynriew baroh, bad Khasi bad Dykhar, hangta ki la sydang ba'n lum ka dorbar bah ha ka iew Sunnai, u Dykhar u hangta u Khasi ruh hangta. Ki ia pyrkhat ba'n ioh ka buit ka lád da kumno ki lah ba'n pyniap noh ia u thlen uba la bam dúh ia u khún bynriew. Ynda ki la dorbar kham slem ki la ioh ka lád kaba biang kumne. Ha kata ka khláw hajan Laitryngew kaba ki khot 'l
Word Of The Day