United States or Cambodia ? Vote for the TOP Country of the Week !
But zif this matiere plese to ony worthi man, that hathe gon be that weye, he may telle it, zif him lyke; to that entent, that tho that wole go by that weye, and maken here viage be tho costes, mowen knowen what weye is there.
And also the Cristene men enforcen hem, in alle maneres that thei mowen, for to fighte, and for to desceyven that on that other. And there with alle thei ben so proude, that thei knowen not how to ben clothed; now long, now schort, now streyt, now large, now swerded, now daggered, and in alle manere gyses.
And thay aryve at Porte de Sure or of Tyrye; and than un to Cypre. Or elles men mowen gon from the Porte of Tyrye ryzt welle, and com not yn to Cypre; and aryve at som haven of Grece; and thanne comen men un to theis countrees, by weyes, that I have spoken of by fore.
Now have I told yow som of the wayes, by the land, and eke by water, how that men mowen goon unto Jerusalem: they that hyt be so, that there been many other wayes, that men goon by, aftur countrees, that thay comen fram, nevere the lasse they turne alle un tylle an ende.
And by syde Rames, ys a fayre churche of oure Lady, whare oure Lord schewede hym to oure Lady, in thys lykenesse, that he tokeneth the Trynyte. And thare fast by, ys a churche of Seynt George, whare that hys heed was smyten of. And thanne un to the Castel Emaus; and thanne unto Mounte Joye: and from thenne, pylgrymes mowen fyrste se un to Jerusalem.
Word Of The Day