United States or Ireland ? Vote for the TOP Country of the Week !
And thei may wel do so; for clothes of gold and of sylk ben gretter chep there a gret del, than ben clothes of wolle. And theise 4000 barouns ben devised in 4 companyes: and every thousand is clothed in clothes alle of o colour; and that so wel arrayed and so richely, that it is marveyle to beholde.
And also suche another charyot, with suche hoostes, ordeynd and arrayd, gon with the empresse, upon another syde, everyche be him self, with 4 hoostes, right as the emperour dide; but not with so gret multytude of peple. And his eldest sone gothe be another weye in another chariot, in the same manere. So that there is betwene hem so gret multitude of folk, that it is marveyle to telle it.
And many other thinges thei don, be craft of hire enchauntementes; that it is marveyle for to see. And suche pleyes of desport thei make, til the takynge up of the boordes. This gret Chan hathe fulle gret peple for to serve him, as I have told zou before. For he hathe of mynstralles the nombre of 13 cumanez: but thei abyde not alle weys with hym.
And this monstre, that mette with this holy heremyte, was as it hadde ben a man, that hadde 2 hornes trenchant on his forehede; and he hadde a body lyk a man, unto the nabele; and benethe he hadde the body lyche a goot. And the heremyte asked him, what he was. And zit is the hede with the 2 hornes of that monstre at Alisandre for a Marveyle.
Word Of The Day