United States or Gabon ? Vote for the TOP Country of the Week !
In Ethiope alle the ryveres and alle the watres ben trouble, and thei ben somdelle salte, for the gret hete that is there. And the folk of that contree ben lyghtly dronken, and han but litille appetyt to mete: and thei han comounly the flux of the wombe: and thei lyven not longe. In Ethiope ben manye dyverse folk: and Ethiope is clept Cusis.
And because that thei gon so nye oure feythe, thei ben lyghtly converted to Cristene lawe, whan men prechen hem and schewe hem distynctly the lawe of Jesu Crist, and tellen hem of the prophecyes.
For wee ben in the sevenethe climat, that is of the mone. And the mone is of lyghtly mevynge; and the mone is planete of weye: and for that skylle, it zevethe us wille of kynde, for to meve lyghtly, and for to go dyverse weyes, and to sechen strange thinges and other dyversitees of the world. For the mone envyrounethe the erthe more hastyly than ony othere planete.
Word Of The Day