United States or Timor-Leste ? Vote for the TOP Country of the Week !
This Heroude was over moche cursed and cruelle: for first he leet sle his wif, that he lovede righte welle; and for the passynge love, that he hadde to hire, whan he saughe hire ded, he felle in a rage, and oute of his wytt, a gret while; and sithen he cam azen to his wytt: and aftre he leet sle his two sones, that he hadde of that wyf: and aftre that, he leet sle another of his wyfes, and a sone, that he hadde with hire: and aftre that, he leet sle his owne modre: and he wolde have slayn his brother also, but he dyede sodeynly.
And he wolde not suffre no Jewes to dwelle there, but only Cristene men. For alle thoughe is were so, that hee was not cristned, zet he lovede Cristene men, more than ony other nacioun, saf his owne. This Emperour leet enclose the Chirche of Seynt Sepulcre, and walle it, within the cytee, that before was with oute the cytee, long tyme beforn.
Word Of The Day