United States or Morocco ? Vote for the TOP Country of the Week !
Pha'n pynlut kane ka tyngka baroh, bad lada ym dap ruh ngán sa wallam pat. Phán kynmáw ho ia kaba nga la ong baroh." Ka ong "haoid." Te kumne-kumne, tang shu la dep kine ki ktin baroh ba u kren, ka la kyndit na kata ka jingshoh samthiah, bad ka tyngka ka don ha ka kti jong ka shi'sing nalai.
Te ynda ka la wan sha la iing, artat artat ka lynti ka la puson ha la ka mynsim da kaba kymen ba ka la iashem ia u blei uba la ai katne ki tyngka bad uba la kren kum kine ki ktin. Te kumta ka la ring u máwpún uba don badúh mynta. Bad hamar ba ka dang sydang ba'n tháw sa ka iing ka lap ba ioh tynga noh pynban; kumta ka kha u khun da uba matlah bad tang shibit ka iap noh.
Te u Siem Synteng ynda u la sngow ia kata ka ktin shi syndon u la phah ia la ki rangbah sha ka. Te ka la iathuh ia kiei-kiei baroh katba u Kyllong Raja u la phla. Te u Siem Synteng ynda u la tip ia kane baroh u la ai hukum ia ki briew ba ki'n khiar ban ioh ia u Kyllong Raja. Te ha kawei ka sngi ki la lap ia u ba u sum bad u la buh ia ki snir ha kata ka jaka ba u sum ba u mut ban sait ia ki.
Word Of The Day