United States or Madagascar ? Vote for the TOP Country of the Week !
U Kyllang u long u lúm uba hajan ka shnong Mawnái ha Khadsawphra bad U Symper u dei u lúm uba long ha ri Maharam. Ha kine ki lúm ki tymmen ki jiw tharai ba don ki blei kiba shong hangto kiba kyrteng U Kyllang bad U Symper. Kine ki blei baroh ar ngut ki la ia kajia namar kano kano ka dáw kaba ngi u bynríw ngim lah ban tip. Te ki la ialeh baroh ar ngut da kaba ia khawoh ktih.
Ynda ki la ialeh shi por ar por jop U Kyllang. Kumta U Symper u shong pynrit ia lade ha la ka jaka jar-jar haduh mynta, bad U Kyllang u shong da kaba sngew khráw sngew sarong shibún ba u la jop ha ka jingialeh. Ki thlíw kiba long kum ki pukri kiba don ha ki krung u lúm Symper ki sah haduh mynta; ki ong ba la pynlong ia kito ki thlíw da U Kyllang ha ka por ialeh.
Word Of The Day