United States or Western Sahara ? Vote for the TOP Country of the Week !
Of the Weye fro Costantynoble to Jerusalem. Of Seynt John the Evaungelist; and of Ypocras Daughter, transformed from a Woman to a Dragoun. He that wol thorghe Turkye, he gothe toward the cytee of Nyke, and passethe thorghe the gate of Chienetout, and alle weyes men seen before hem the hille of Chienetout, that is righte highe: and it is a myle, and an half from Nyke.
Of the Cytee of Costantynoble, and of the Feithe of Grekis. And there lyethe also the body of Iohn Crisostome, that was Erchebisschopp of Costantynoble. And there lythe also Seynt Luke the Evaungelist: for his bones werein broughte from Bethanye, where he was beryed. And many other relikes ben there.
And aftre gon men thorghe the ile of Pathmos, and there wrot Seynt John the Evaungelist the Apocalips. And zee schulle undrestonde, that Seynt Johne was of age 32 zeer, whan oure Lord suffred his passioun; and aftre his passioun, he lyvede 67 zeer, and in the 100th zeer of his age he dyede. From Pathmos men gone unto Ephesim, a fair citee and nyghe to the see.
And also, the cane of Galilee is 4 myle fro Nazarethe: of that cytee was Simon Chananeus, and his wif Canee; of the whiche the holy evaungelist spekethe off: there dide oure Lord the first myracle at the wedyng, whan he turned water in to wyn. And in the ende of Galilee, at the hilles, was the arke of God taken; and on that other syde is the Mownt Hender or Hermon.
And seint Poul him self was there a physicyen, for to kepen mennes bodies in hele, before he was converted: and aftre that, he was phisicien of soules. And seynt Luke the Evaungelist was Disciple of seynt Poul, for to lerne phisik; and many othere. For seynt Poul held thanne scole of phisik.
Word Of The Day