United States or Malawi ? Vote for the TOP Country of the Week !
And also the Sarazines bryngen forthe no pigges, nor thei eten no swynes flessche: for thei seye, it is brother to man, and it was forboden be the olde lawe: and thei holden hem alle accursed that eten there of.
But in that contree, there is a cursed custom: for thei eten more gladly mannes flesche, than ony other flesche: and zit is that contree habundant of flesche, of fissche, of cornes, of gold and sylver, and of alle other godes.
And aftre that, thei choppen alle the body in smale peces, and preyen alle his frendes to comen and eten of him, that is ded: and thei senden for alle the mynstralle of the contree, and maken a solempne feste. And whan thei han eten the flessche, thei taken the bones, and buryen hem, and syngen and maken gret melodye.
Thidre gone Marchauntes, and bryngen with hem children, to selle to hem of the contree, and thei byzen hem: and zif thei ben fatte, thei eten hem anon; and zif thei ben lene, thei feden hem, tille thei ben fatte, and thanne thei eten hem: and thei seyn, that it is the best flesche and the swettest of alle the world.
Also in the lond of Palestyne and in the lond of Egypt, thei eten but lytille or non of flessche of veel or of beef; but he be so old, that he may no more travayle for elde; for it is forbode: and for because the have but fewe of hem, therfore thei norisschen hem, for to ere here londes.
And there is so meche multytude of that folk, that thei ben withouten nombre. And thei ne recchen of no thing, ne don not, but chacen afere bestes, to eten hem. And thei recchen no thing of here lif: and therefore thei dowten not the Sowdan, ne non othre prince; but thei dar wel werre with hem, zif thei don ony thing that is grevance to hem.
And there is gret plentee of neddres, of whom men maken grete festes, and eten hem at grete sollempnytees. And he that makethe there a feste, be it nevere so costifous, and he have no neddres, he hathe no thanke for his travaylle. Many gode cytees there ben in that contree, and men han gret plentee and gret chep of alle wynes and vitailles.
And in another yle ben folk, that han gret eres and longe, that hangen doun to here knees. And in another yle ben folk, that han hors feet; and thei ben stronge and myghty and swift renneres; for thei taken wyld bestes with rennyng, and eten hem.
And princes and othere eten not, but ones in the day; and that but lytille. And thei ben righte foule folk and of evyl kynde. And in somer, be alle the contrees, fallen many tempestes and many hydouse thondres and leytes, and slen meche peple and bestes also, fulle often tyme. And sodeynly is there passynge hete, and sodeynly also passynge cold.
Thei fasten an hool monethe in the zeer, and eten noughts but be nyghte, and thei kepen hem fro here wyfes alle that monethe: but the seke men be not constreyned to that fast.
Word Of The Day