United States or Algeria ? Vote for the TOP Country of the Week !
Also above the emperours table and the othere tables, and aboven a gret partie in the halle, is a vyne, made of fyn gold: and it spredethe alle aboute the halle; and it hath many clustres of grapes, somme white, somme grene, summe zalowe and somme rede and somme blake, alle of precious stones: the white ben of cristalle and of berylle and of iris; the zalowe ben of topazes; the rede ben of rubies, and of grenaz and of alabraundynes; the grene ben of emeraudes, of perydos and of crisolytes; and the blake ben of onichez and garantez.
And aftre comethe the blake with the lef, in manere of clustres of reysinges, alle grene: and whan men han gadred it, than comethe the white, that is somdelle lasse than the blake; and of that men bryngen but litille into this contree; for thei bezonden with holden it for hem self, be cause it is betere and more attempree in kynde, than the blake: and therfore is ther not so gret plentee as of the blake.
Word Of The Day