United States or Suriname ? Vote for the TOP Country of the Week !


In Chorosaym schalle Antecrist be born, as sum men seyn; and other men seyn, he schalle be born in Babyloyne: for the prophete seyth; De Babilonia Coluber exiet, qui totum mundum devorabit; that is to seyne, Out of Babiloyne schal come a worm, that schal devouren alle the world.

This lond of Job marchethe to the kyngdom of Caldee. This lond of Caldee is fulle gret: and the langage of that contree is more gret in sownynge, that it is in other parties bezonde the see. Men passen to go bezond, be the Tour of Babiloyne the grete: of the whiche I have told zou before, where that alle the langages weren first chaunged. And that is a 4 jorneyes fro Caldee.

Now will I retourne azen, or I procede ony ferthere, for to declare zou the othere weyes, that drawen toward Babiloyne, where the Soudan him self duellethe, that is at the entree of Egypt; for als moche as mony folk gon thidre first, and aftre that to the Mount Synay, and aftre retournen to Jerusalem, as I have seyd zou here beforn.

And fro Alizandre men gon to Babyloyne, where the Soudan dwellethe; that sytt also upon the ryvere of Nyle. And this wey is most schort, for to go streyghte unto Babiloyne. Now schall I seye zou also the weye, that gothe fro Babiloyne to the Mount of Synay, where Seynte Kateryne lythe.

And from Babyloyne, where the Soudan dwellethe, to go right betwene the oryent and the Septemtryon, toward the grete Babyloyne, is 40 journeys to passen be desart. But it is not the grete Babiloyne, in the lond and in the powere of the seyd Soudan; but it is in the power and the lordschipe of Persye.

And fro that valeye is but a gode journeye to the Mount of Synay. And whoso wil go be another weye fro Babiloyne, than men gothe be the Rede See, that is an arm of the see occean. And there passed Moyses, with the children of Israel, overthwart the see, alle drye, whan Pharao the Kyng of Egypt chaced hem. And that see is wel a 6 myle of largenesse in bredthe.

In that kyngdom of Caldee, in a cytee, that is cleped Hur, duelled Thare, Abrahames fadre: and there was Abraham born: and that was in that tyme, that Nunus was Kyng of Babiloyne, of Arabye and of Egypt. This Nunus made the cytee of Nynyvee, the whiche that Noe had begonne before: and be cause that Nunus performed it, he cleped it Nynyve, aftre his owne name.

And though it be clept the tour of Babiloyne, zit natheles there were ordeyned with inne many mansiouns and many gret duellynge places, in lengthe and brede: and that tour conteyned gret contree in circuyt: for the tour allone conteyned 10 myle sqware. That tour founded Kyng Nembrothe, that was kyng of that contree: and he was firste kyng of the world.

And wyte wel, that from Babiloyne to the Mount Synay is wel a 12 gode journeyes: and some men maken hem more: and some men hasten hem and peynen hem; and therefore thei maken hem lesse. And it behovethe men to here vitaille with hem, that schalle duren hem in tho desertes, and other necessaries for to lyve by.