United States or Tajikistan ? Vote for the TOP Country of the Week !
And siththen hidrewards, myghte no knyghte se hire, but that he dyede anon. But whan a knyghte comethe, that is so hardy to kisse hire, he schalle not dye; but he schalle turne the damysele in to hire righte forme and kyndely schapp, and he schal be lord of alle the contreyes and iles aboveseyd.
And it is fro Babyloyne the lesse, where the Soudan duellethe, onto Methon aboveseyd, in to a 32 journeyes. And wytethe wel, that the rewme of Arabye is a fulle gret contree: but there in is over moche dysert. And no man may dwelle there in that desert, for defaute of watre. For that lond is alle gravelly and fulle of sond.
Fro that abbeye men gon up the mountayne of Moyses, be many degrees: and there men fynden first a Chirche of oure Lady, where that sche mette the monkes, whan thei fledden awey for the vermyn aboveseyd. And more highe upon that mountayne is the chapelle of Helye the prophete. And that place thei clepen Oreb, where of Holy Writt spekethe.
Fro thens go men be many townes and many cytees, thorghe the contree, unto a cytee, that men clepen Lanteryne: and it is an 8 iourneyes from the cytee aboveseyd. This cytee sitt upon a faire ryvere, gret and brood, that men clepen Caramaron. This ryvere passethe thorghe out Cathay: and it dothe often tyme harm, and that fulle gret, whan it is over gret. Of the grete Chane of Chatay.
And before the chirche of Seynt Sepulcre, toward the southe, a 200 paas, is the gret hospitalle of Seynt John; of the whiche the hospitleres hadde here foundacioun. And with inne the palays of the seke men of that hospitalle ben 124 pileres of ston: and in the walles of the hows, with oute the nombre aboveseyd, there ben 54 pileres, that beren up the hows.
And the other bestes that ben foule, they seyn, ben soules of pore men and of rude comouns. And thus thei beleeven, and no man may putte hem out of this opynyoun. Theise bestes aboveseyd, thei let taken, whan thei ben zonge, and norisschen hem so with almesse; als manye, as thei may fynde.
And the glasse, that is made of that grevelle, zif it be don azen in to the gravelle, it turnethe anon in to gravelle as it was first. Also for Akoun aboveseyd gon men forthe 4 journees to the citee of Palestyn, that was of the Philistyenes, that now is clept Gaza, that is a gay cytee and a riche; and it is righte fayr, and fulle of folke, and it is a lytillle fro the see.
Also the cytee of Cayre is righte gret, and more huge than that of Babyloyne the lesse: and it sytt aboven toward the desert of Syrye, a lytille above the ryvere aboveseyd. In Egipt there ben 2 parties; the Heghte, that is toward Ethiope; and the Lowenesse, that is towardes Arabye. In Egypt is the lond of Ramasses and the lond of Gessen.
Word Of The Day